新冠肺炎蔓延到歐洲,當中以意大利嘅疫情最嚴重。重慶市政府喺19號分別向意大利同伊朗,捐贈一批醫療防疫物資包括口罩。

 重慶市政府外辦黨組書記章勇武表示,意大利政府喺1988年曾無償為四川建立當時最大嘅急救中心,宜家該中心已成為重慶市急救中心,重慶感激意大利嘅善舉。故此,喺意大利最近受新冠肺炎影響、醫療物資短缺嘅時候,重慶市感同身受,向意大利捐贈3萬個FFP2口罩同15萬個醫用外科口罩。意大利駐重慶總領事館總領事畢嵐祺表示,意大利感受到重慶市民嘅熱情同愛心,呢批物資將幫助意大利戰勝疫情。

 此外,重慶亦向伊朗捐贈5萬個KF94口罩同10萬個醫用外科口罩,仲計劃向南韓等多個城市捐贈醫療物資。

圖:華龍網