新冠肺炎喺美國持續蔓延,唔少州份都限制公眾活動同聚會,芝加哥有唔少博物館都休館,其中雪德水族館(Shedd Aquarium)嘅照護員就趁呢個機會,帶住3隻跳岩企鵝(Rockhopper Penguin)周圍參觀。

呢3隻企鵝好似人類遊客咁喺展區、走廊同接待處周圍行、周圍望,邊行邊搖咁,非常得意,而佢哋都對其他動物顯得好好奇,場面相當有趣。雪德水族館將佢哋周圍參觀嘅片段放上社交媒體,發言人就話雖然水族館暫時唔對外開放,但水族館嘅照護員同獸醫仍然要工作,而家無遊客參觀,照護員唯有發揮創意,等館內嘅動物可以保持活力。

原圖:Twitter@@shedd_aquarium