新冠肺炎疫情喺世界全國蔓延,其中一個重災區南韓,最近就有奸商被揭發,重新包裝大約65萬個唔合格嘅KF94口罩再出售,涉款高達11.55億韓圜(約682萬港元),據報當中有部分已經賣咗俾中國嘅貿易商。

南韓警方表示,喺2月26日收到情報,指有組織涉嫌違法生產同出售口罩,其實又有人報稱收到一批口罩次貨,最終警方涉嫌詐騙、違反藥劑師法、廢棄物管理法等,拘捕咗8名涉案人士,包括商人、接貨人、包裝及廢物回收商。

警方又話,疑犯由廢物回收商中收集其他口罩工廠棄置嘅次貨,再重新包裝成知名口罩再出售圖利,案件涉及65萬個KF94口罩,估計有5萬個口罩已經流入買家手上,當中超過1萬個已經流出市面,有部分就已經回收。

原圖:首爾松坡警署