近日,香港確診個案數字不斷增加,有唔少都有外遊紀錄,港大感染及傳染病中心總監何栢良亦表示,最近1個禮拜嘅確診人數比3個禮拜前多咗10倍,佢估計或會有200名由海外返港嘅港人受感染,計埋病毒傳播未來2個禮拜或會新增400至600宗確診。

何栢良形容香港已經進入「戰時狀態」,香港有理想環境嘅深切治療部病床只有54張,如果短期內有大批需要插喉用呼吸機嘅嚴重個案,公立醫院嘅深切治療部床位將會唔夠用,有機會引致醫護人員受感染,甚至死亡。

何栢良又話,香港家庭環境擠迫,要求返港人士家居檢疫嘅安排唔理想,建議應該安排返港人士由機場直至去到酒店獨立隔離。

原圖:文匯報,FB@醫院管理局