喺新型冠狀病毒疫情影響下,全港學校停課,基層學童在校本來可以獲得膳食津貼,但停課期間,佢哋嘅膳食費用負擔就大大增高。美心集團早前曾捐贈10萬個口罩同4萬張套餐券俾惜食堂,宜家再加印2.5萬張、總值超過100萬元嘅MX套餐券,將會透過惜食堂贈予受影響嘅學童同家庭,預計有5000個基層學童受惠。

惜食堂會將美心集團捐出嘅餐券連同其他捐贈者捐出嘅防疫物資同食物,陸續送俾基層學童同家庭,紓緩佢哋經濟壓力。

圖:FB@美心MX,惜食堂