受新冠肺炎影響,內地學校改為網上學習。不過對於居住喺偏遠、比較貧困地區嘅學生嚟講,佢哋上網學習就要面對唔少困難。好似住喺西藏林周嘅一個大學生,因為屋企無網路訊號,每日都要爬上海拔4500米嘅山頂用手機上堂,認真唔容易!

呢個大學生叫玉中次多,就讀於西北工業大學國際經濟與貿易系二年級,受疫情影響,玉中次多要留喺屋企上網學習。但係,屋企無裝wifi,玉中次多嘅手機喺屋企又收唔到訊號,最後發現要爬到上海拔4500米嘅山頂先收到訊號。玉中次多每日要喺屋企揸電單車花20分鐘先到山腳,然後再用20分鐘爬上山。如果咁啱朝早有課,佢更加要7點半就要起床,喺零下8%上山,認真曲折辛苦。

玉中次多話要跟上大家嘅學習進度,山上雖然有點凍,但已經習慣。佢仲話,村入面有7、8個人同佢一樣,每日喺山頂上堂,落堂之後仲要返屋企幫手做嘢。唔少網民紛紛大讚佢勤奮,更有人借此反省自己:「我還有甚麼理由不好好讀書啊!」

圖:梨視頻截圖