新冠肺炎肆虐下,少咗人出街食飯,因為出街食飯要除口罩,增加受感染機會。內地外賣公司「美團」就發揮創意,整咗個「防護罩」出嚟,既可以保護自己嘅食物唔受飛沫污染,又可以避免自己嘅飛沫影響到人。

 午飯時間出外食飯難免要同人搭枱,好多餐廳又未必有隔板隔住,於是美團研發出一款「防護罩」,等食客可以喺枱上有一個屬於自己嘅「小天地」,匿埋喺入面用餐。呢款防護罩目前暫時只會喺北京、上海嘅部分醫院同辦公室附近食肆嘅外賣訂單免費派發,公司仲鼓勵食客或者同行仿傚自製。不過網民似乎唔多受落,雖然有讚「至少有心了」,但認為只係「心理安慰」,更有網民話:「看著有點像對著貓砂盆吃飯」、「像我上學時偷偷玩手機一樣」。

圖:中國日報網