疫境除咗帶嚟磨難,仲可以從中睇到人間有愛。有位網民喺FB群組食在元朗發文,話見到有位衣衫襤褸嘅伯伯半夜瑟縮喺樓梯瞓覺,起咗惻隱之心買咗個包送俾伯伯,仲話「如果大家有時多點去留意身邊嘅人和事,可能一聲慰問,關心,甚至一個包便可以令到人世間不再冷漠」。

 呢位發文嘅網民話自己當時因為半夜肚餓,諗住去快餐店買個包充飢,點知就被佢見到伯伯喺快餐店門口嘅樓梯瞓著。起初網友都唔為意,直到臨走嘅時候見到伯伯依然喺度,就忍唔住上前問伯伯肚唔肚餓,伯伯答佢唔使喇,多謝。網友就折返買咗個包擺喺伯伯身邊之後就走咗,門關上一刻網友聽到伯伯一句「多謝」網友話如果喺10年前佢一定唔會咁做,但人大咗希望多關心社會,關心社會上被忽略嘅一群。

圖:FB@食在元朗