美國同歐洲多國持續出現新冠肺炎新增確診個案,內地傳媒報道,有中國留法學生社交媒體上流傳消息,話有學生喺法國巴黎嘅地鐵上戴口罩,結果被當地警察以違反《禁蒙面法》為由,向佢罰款150歐元(約1300港元),令佢哋唔敢戴口罩。

中國駐法國大使館就透過官方微信公眾號表示,經過法國警方同法律人士核實之後,澄清出於健康原因喺法國配戴口罩,唔會違法,認為係有不法分子假冒警察,向學生罰款。大使館提醒中國公民,要提高安全防範意識,警惕不法分子假冒警察或政府公務人員,以防疫為由詐騙、搶劫。

原圖:新華社