好多人話唔開心嘅時候最好食啲甜品、飲啲甜嘢,咁樣就會開心返。但就要謹慎選擇含糖飲品喇,因為日日飲唔單止增加中風危機,仲好傷心臟添!

 美國麻省塔夫茨大學團隊用12年時間,追蹤研究6000個超過40歲嘅中年人士嘅飲食同健康情況,發現每日飲一罐330ml含糖汽水或飲品嘅人,佢哋體內保持動脈暢通嘅好膽固醇量偏低,反而可致血管及動脈栓塞嘅三酸甘油酯(triglycerides)水平就比較高,研究團隊建議大家最好飲清水解渴,盡量避免飲用含糖飲品。因為過量糖分喺體內囤積會引發各種健康問題,例如肥胖、中風或心臟病發等。

 本港糖尿及內分泌科專科醫生胡依諾表示,全港有約3成成年人有肥胖問題,可能同甜飲文化嘅普及有關。有唔少本地糖尿病患者都有飲用盒裝含糖飲料、茶餐廳含糖凍飲同台式飲品嘅習慣。

圖:網上圖片