新冠肺炎疫情底下,香港一罩難求,本地空調濾網生產商百達洋行(遠東)計劃生產比溶噴布更高級嘅納米纖維濾芯作為口罩濾芯,紓緩本港口罩荒。

 百達洋行(遠東)有限公司董事王潔芳表示,自從疫情爆發後,好多計劃喺香港生產口罩嘅業者都搵上門,希望公司為佢哋生產口罩濾芯。但口罩濾芯同空調濾網嘅「配方」有啲唔同,需要降低降壓避免用戶呼吸困難,另外由於口罩濾芯比空調濾網細,需要增加一啲自動化工具。目前百達洋行(遠東)決定喺香港生產納米纖維口罩濾芯,以成本價供應俾維特健靈同HK MASK。王潔芳強調,為維特健靈同HK MASK生產口罩濾芯,只係收回物料同工資成本,並無攤分任何研發或設備嘅投資。

圖:百達洋行(遠東)有限公司