香港持續口罩短缺,唔少企業都難以採購足夠口罩俾前線員工使用,最近港鐵就宣布,引入咗一部口罩生產機,將會使用由香港理工大學相關專家研發嘅納米纖維技術物料,生產防護級別為ASTM Level 2,微粒子同細菌過濾率(PFE、BFE)達98%或以上嘅口罩,而且透氣度相當高。

港鐵車務總監李家潤博士就話,口罩機已經抵達車廠,現時已經開始設置無塵生產室嘅工作,預計最快今年下半年投入生產,估計每日產量幾萬個,但實際數量仍然有待完成組裝、測試、熟習生產流程後確定。李家潤博士又話,港鐵自主生產嘅口罩最主要提供俾員工使用,如果有剩餘能力,會考慮生產更多口罩,幫助其他人。

原圖:圈傳媒