新冠肺炎爆發,唔少人都出錢出力咁支援前線抗疫,但有位杭州男子楊術強去當地政府向前線捐款13萬人民幣(約14.5萬港幣)就被退回12萬人民幣(約13.4萬港幣)。究竟係咩原因?原嚟楊術強係靠收賣廢舊品維生,本身屋企環境唔富裕,仲有一家老少要佢供養。當地政府考慮佢嘅經濟情況,唔想收佢嘅善款,決定如數退回。但喺楊術強堅持要捐,最後政府諗咗個折中辦法,只係收佢9273.4人民幣(約1.03萬)捐款。

喺今個月5號,楊術強嚟到杭州蕭山瓜瀝鎮政府,佢戴住口罩,將手上嘅黑色膠袋交俾工作人員就轉身離開。工作人員一睇,裡面裝著一大疊現金,約有13萬。經查證後,原來呢個男子叫楊術強,係河南信陽市商城縣人。佢今年54歲,喺30年前嚟蕭山打工,宜家屋企有一家7口,仲有小朋友要供書教學,全家都係靠楊術強收廢舊物資維持生計。鎮、村幹部考慮到楊術強家庭經濟現狀,想如數退還佢嘅捐款。但楊術強唔肯,幾經推卻、解釋,政府最後諗出一個折中嘅辦法:婉拒楊術強嘅12萬元捐贈,只係接受咗佢9273.4元捐贈。

 圖:微博@觀察者網