新冠肺炎疫情喺全球多國爆發,荷里活影星湯漢斯(Tom Hanks)喺社交平台宣布,佢同太太麗達韋遜接受新型冠狀病毒測試,結果呈陽性。湯漢斯表示,會按照公共衛生及安全要求,持續進行測試、觀察同接受隔離,並會向外界持續更新佢哋嘅最新狀況,又呼籲大家要照顧好自己。

現年63歲嘅湯漢斯同太太現時身處澳洲,湯漢斯正為一部關於貓王皮禮士利(Elvis Presley)生平嘅電影進行籌備工作,但近日佢同太太都覺得有啲攰、身體疼痛,感覺就好似感冒,於是就接受新型冠狀病毒測試,結果發現呈陽性。

原圖:FB@Rita Wilson