現時全港學校仍然停課,暫時最早4月20日先至復課,但確實復課日期就仍有待教育局進一步評估。中大呼吸系統科講座教授許樹昌就認為,以兩個潛伏期即28日計,如果無本地感染個案,就代表疫情受控,可以考慮分階段復課。佢建議,大學同中學率先復課,再隔14日之後,小學同幼兒中心先再復課。不過佢都話,疫情短期內唔會完,呢場仗可以話係「有排打」。

許樹昌話,香港近期無不明來源嘅新冠肺炎個案,顯示圍堵政策有效,但疫情發展仍要視乎其他地方嘅情況,包括內地陸續復工、其他國家疫情爆發嘅情況等等。

原圖:大公報