中國近期新冠肺炎疫情開始有緩和跡象,確診病例減少。世界衛生組織總幹事譚德塞就話,疫情出現逆轉,病毒開始退卻,佢讚揚中國採取咗大規模防控行動,為國際社會爭取到了一個「機會窗口」,佢呼籲其他國家要充分利用呢個「機會窗口」,一旦發現病例就要採取控制措施,遏制病毒傳播。

譚德塞又讚中國,喺疫情之初就迅速識別病原體,並進行測序、分享病毒基因序列,有助其他國家同地區診斷同採取防控措施,形容速度「令人難以置信」。

譚德塞又話,新冠病毒傳染性好強,係一種新病毒,但由中國嘅經驗可以得出,係有可能遏制病毒嘅。另外中國向世衛捐款2000萬美元,譚德塞話呢筆捐款將會用嚟幫助衛生系統較弱嘅國家應對疫情。

原圖:新華社