新冠肺炎肆虐,大家都關心呢個疫情究竟幾時會完,之前有專家預計新冠病毒喺夏季將會受控,但今日(9號)港大微生物學系講座教授袁國勇就表示,現時病毒已經喺全球大流行,相信當北半球進入夏季嗰陣,病毒好有可能就會喺南半球爆發,到時病毒就會再傳到本港。佢又話,當70%人口有新冠抗體,疫情先會得以紓緩。

 隨住新冠肺炎喺全球擴散,袁國勇話,今次疫情唔會完結,相信本港夏天時疫情會放緩,但冬天時病毒會再由其他地方輸入香港。佢又指,港人喺年底前好大機會都要每日戴口罩外出,同埋避免外遊,直至有效嘅抗病毒藥或疫苗出現。衛生防護中心亦稱,難以用隔離同檢疫措施控制疫情,因新冠肺炎未必會好似SARS咁受控,將來可能會將新冠肺炎當成「嚴重流感」咁處理。

圖:大公網