最近有網上片段,見到深圳公安戴上一款新頭盔,但原來呢款頭盔大有來頭,佢真正身份係熱成像頭盔N901,係可以用嚟作遠距離無感體溫監測。公安或者監測員要戴上呢個頭盔,就可以喺幾米距離之內,為人流量度體溫,唔使再近距離接觸同交流。只要用眼掃一掃,就會見到所有人嘅體溫,一旦發現有人發燒,頭盔就會自動示警,確保唔會有遺漏。

呢個頭盔係由深圳光啟技術,專誠為咗對今次新型冠狀病毒疫情而研發出嚟嘅,除咗監測體溫,仲有自動識別、記錄車輛、證件信息等功能,大大減少監察人員嘅工作,各地公安而家都爭相引入呢種設備。

原圖:ups科技網