新型冠狀病毒肺炎爆發以來,好多市民都減少出街,盡量留喺屋企。有唔少人就會選擇叫外賣,減少出去食飯,減低傳染風險,但亦有人擔心病毒或者會經外賣傳播,內地醫學網站「丁香醫生」就為大家解答呢個迷思。

「丁香醫生」就話,只要食物熟透,病毒就唔會存活,如果唔放心可以加熱一次先食,佢引述中國疾控中心指出,病毒喺攝氏56度狀態下30分鐘就會被殺死,,而炒菜嘅溫度就達到攝氏100度以上。至於外賣包裝,佢話外賣包裝上嘅病毒濃度不足以導致感染,佢建議接觸包裝之後盡快洗手,只要洗手前唔好接獲口鼻、眼睛咁就無問題。

另外佢又建議,如果用外賣App叫外賣,最好避免同外賣員接觸,即係叫外賣員放喺指定位置,之後再領取。如果一定要面對面接觸,最好都係戴返個口罩先。

原圖:新華網