近日央視新聞喺醫院入面採訪,發現醫護人員喺防護衣上寫咗疫情結束後最想做嘅事,其中一位護士背後寫咗自己個仔嘅名「澤」同張信哲嘅「哲」,佢話:「我希望疫情結束後,能得到一張我喜歡的張信哲簽名,喜歡張信哲多年了。」而歌手張信哲本人見到呢單新聞,更親自回應話已經準備好簽名CD,就等遲啲疫情結束就送出,真係好貼心!

 新聞出咗街之後,張信哲直接喺微博上回覆,佢先多謝呢位護士呢段日子以嚟嘅辛苦付出,話已經準備好簽名CD。等疫情過去,佢想約呢位護士同佢兒子小澤澤仲有一線嘅醫護人員一起喺武漢,為佢哋辦一場專場演唱會,到時再喺現場補上護士嘅名,然後親手送上簽名CD。最後佢仲感謝前線醫護人員嘅辛苦付出,亦請佢哋照顧好自己,等疫情結束可以相聚武漢!

 張信哲呢個窩心舉動令網友們紛紛留言:「張老闆真是太好了」、「正能量的偶像」、「好暖哦!疫情結束我們再聚」。

圖:央視新聞,微@張信哲