新冠肺炎疫情下,早排香港搶購消毒用品、廁紙,甚至衞生巾嘅情景仍歷歷在目,宜家新冠肺炎喺全球擴散,美國有網民已經開始掃貨、囤積物資喺屋企以備不時之需,更有男子花咗幾萬美金(大概幾十萬港幣)搶購物資!

 美國德克薩斯州有個叫Jesse Colombo嘅男人,因為擔心疫情爆發會引發經濟危機,所以用咗幾萬美金去超市搶購物資,當中包括香腸、穀類早餐、米、豆類、水、口罩、醫藥包等,仲有佢好唔鍾意嘅午餐肉。Colombo解釋話:「因為經歷過2008年嘅金融危機,所以我比較有陰影。如果經濟泡沫發生,這些物資將是我生活的基本保障。」美國其他網友紛紛分享自己囤積物資嘅相,除咗食物之外,佢哋亦會買維他命、茶同埋廁紙等。

圖:Twitter@Jesse Colombo