近排空氣濕度已經開始有啲高,之後仲將會迎來潮濕天氣,無獨立包裝嘅口罩好容易受潮而滋生細菌。為咗避免浪費口罩,或者越戴越多菌,記得要將口罩擺落密實袋防潮呀!

 一般口罩嘅保存期限都有35年,可以話係好擺得,但係無獨立包裝嘅口罩開封之後,好容易暴露喺空氣中,如果空氣濕度高,就會令口罩受潮,加快細菌繁殖生長速度,結果只會越戴越容易病!為此,「化學達人」李偉瀚老師建議,可以將開封後嘅口罩分批放入密實袋,然後將呢啲放有口罩嘅密實袋擺落一啲相對密閉嘅空間,例如柜桶,再喺柜桶入面放入吸濕器、防潮珠等吸濕用品。吸濕用品可以吸走空氣入面嘅水分,令柜桶空間保持乾爽,防止口罩受潮。

圖:網上圖片