新冠肺炎爆發,口罩需求增加,唔少企業都紛紛轉產口罩滿足內需。原本以生產汽車為主嘅上汽通用五菱就轉行,生產自家口罩同口罩機,仲話:「人民需要什麽,五菱就造什麽」。不過,五菱自製嘅口罩就唔會對外發售,而係交俾政府統一調配,優先供應防疫一線人員使用。

 五菱自2月初宣佈轉產口罩之後,2月中又自主生產第一台全自動化「五菱牌」口罩機,成為全國第一間既產口罩,又產口罩機嘅企業。目前一部分嘅五菱牌口罩已經交俾柳州市政府統一調配,另一部分就用嚟支援抗疫一線包括醫護人員、警察等。

圖:騰訊網