新冠肺炎肆虐,口罩已經變咗生活必需品,個個出街都要戴。但口罩戴得多、戴得耐塊面會好焗、好唔舒服,甚至會出現敏感症狀。香港時裝設計師余嫿就親手DIY真絲口罩套,包住個不織布口罩再戴,咁就避免咗不織布直接接觸、刺激到皮膚喇~

時裝設計師余嫿最近喺社交平台分享咗幾張自家設計、製作嘅真絲口罩套出嚟,真絲材質,又加入咗lace元素,真係又靚又舒服,難怪好多網民都留言話想要喇!

余嫿畢業於香港理大設計學院,自小已經鍾情設計,畢業後就創立自己嘅設計公司,曾獲十大傑出青年2011、中國最成功設計大賽獲「最成功設計大獎」、中國第二屆國際名校時裝設計大賽「最佳創意大獎」、香港理大時裝畢業展最佳服飾配搭大獎、香港榮華月餅香港國際機場制服設計全港公開比賽冠軍等獎項,香港人勁呀!

圖:FB@Mary Yu