新冠肺炎爆發之後,前線醫護人員不辭勞苦咁對抗疫情,感動咗無數人嘅心。連13歲嘅小畫家楊智鉅亦被觸動,佢用素描畫咗3幅《最美逆行者》嚟抒發自己對前線醫護人員嘅崇敬,提升市民戰勝疫情嘅信心。

 楊智鉅小名頓頓,就讀喺香港加拿大國際學校,佢認為今次對抗新冠肺炎已經唔單止係一場人與病毒嘅抗爭,更加係一場人性中善惡美醜嘅大較量,佢喺當中見到智慧、信仰、光明同希望。作為香港嘅小朋友,楊智鉅覺得佢應該要為呢場「戰疫」發聲,於是就以素描形式,畫出嗰啲不顧個人安危、始終企喺前線同病毒鬥爭嘅醫生同護士,仲話:「醫護人員用自己的生命守護著別人的生命,並將所有的痛苦、疲倦和危險留給自己,他們是最美的逆行者。」

圖:香港商報