日本越來越多新型冠狀病毒肺炎確診個案,不過最近就有當地網媒發現,當地麥當勞嘅員工大部分都無戴口罩,記者一問之下,有員工就話係因為公司認為戴咗口罩之後會令客人見唔到笑容,所以唔俾員工戴口罩。

報道刊登之後,隨即引起網民關注,有唔少網民都批評麥當勞漠視員工安全。而日本麥當勞回應傳媒嘅時候就話,唔俾員工戴口罩呢個安排係區域負責人同店長嘅決定,但有專家就話,麥當勞有機會違反勞動契約法,員工安全配備不足嘅條例。

原圖:日本麥當勞