受新冠肺炎影響,前線醫護人員都要著住厚重嘅防護衣、唔食唔飲咁長時間工作,內地湖北一位46歲嘅護士長陳淑紅就因為咁樣連續工作9小時,導致體力不支,攰到癱喺地下。隨後後嚟得同事扶佢出去呼吸新鮮空氣,情況好轉,但佢亦自責:「沒事,怪我體質差,拖了大家後腿。」

 陳淑紅任職於湖北省宜昌市惠民醫院,自11號起就開始喺隔離區工作。喺上禮拜三(19號),陳淑紅由朝早8時就開始喺隔離區巡邏,又同其他醫護人員清理62個房間嘅垃圾,之後消毒房間、更換日用品、分發食物同藥物等,連續工作咗9個鐘,中間仲要無食過嘢、飲過水。卒之就喺陳淑紅就嚟收工嘅時候,體力透支,扶住牆不停喘氣,仲癱坐喺地下。呢一幕被醫院嘅閉路電視影低,好多網民睇完之後紛紛表示心痛:「非常理解醫護人員的熱心盡責,可你們要先保護好自己才能更長久的保護患者」、「看哭了,辛苦了,醫護人員」、「這一次是醫務人員救了大家 ,感謝你們」。

圖:微博