新冠肺炎肆虐,前線醫護人員嘅防護裝備供應緊張,香港理工大學三維打印技術中心實驗室本月初就研發咗一款用3D打印技術打印出嚟嘅即棄防護面罩,宜家每日生產100幾個分派予前線醫護使用,理大早前已經將設計交俾廠商大規模生產。

 呢款面罩先用30部三維打印機打印出面罩框架,再用人手將早前工業界捐贈嘅7000個膠片同配件組裝。理大工程學院院長兼三維打印技術中心實驗室總監文効忠話,新面罩以東方人臉型設計,有中碼同大碼兩個呎寸,面罩架加入咗海綿設計,長時間佩戴會較舒適。

 醫管局總感染控制主任辦事處袁煥華指,新面罩可以覆蓋額頭至下巴位置,既唔會阻礙醫護人員嘅視線,保護性又強,仲可以同時俾醫護人員配戴N95口罩,兼容性高。

圖:文匯報