3D打印技術越來越犀利,最近阿聯酋杜拜就有一座由3D打印出嚟嘅建築物落成,更獲健力氏世界紀錄認證為第一幢兩層高嘅3D打印建築物。呢座建築物名為迪拜市政創新中心,建築面積達640平方米、樓高9.5米。用3D打印建築物唔止創新,仲可以減少建築廢料同人手,從而降低建築成本,興建呢座杜拜市政創新中心,只需100萬迪拉姆(約212萬港元)。