早嗰排,福建省榕城司法強制隔離戒毒所收到由非洲寄嚟嘅一萬個口罩,寄件人係一位尼日利亞華人──鄭岳峰。佢之所以寄批口罩嚟到榕城戒毒所,其實係同佢早年一段經歷有關嘅。

話說喺鄭岳峰年輕嘅時候,因為涉毒誤入歧途,後來喺榕城戒毒所戒甩毒癮,之後佢努力工作、創業,時至今日已經成為尼日利亞福建總商會副會長,佢亦因為資助當地起學校,而獲約魯巴族土皇封為「酋長」添。多年嚟,佢一直都同戒毒所人員保持聯繫,喺過去農曆新年,佢同戒毒所人員拜年嗰陣得悉戒毒所唔夠口罩,於是佢就採購咗呢批口罩,送到戒毒所。

除咗送口罩,佢仲特意寫信感謝戒毒所,話自己多年嚟已經無再掂毒品,仲話無當年佢哋嘅教導,就唔會有今日嘅自己。

原圖:新京報