新冠肺炎嘅死亡數字每日都係度增加,一位重症患者肖賢友同病魔搏鬥咗18日之後,最終不敵新冠病毒病逝。肖賢友臨終前痛苦不堪,仍喺白紙度留低7字遺言「我的遺體捐國家」,令在場嘅醫護人員淚流不止,場面感動又心痛。

肖賢友喺1月16號出現發燒症狀,先後去醫院就醫亦未見好轉,直到1月25號入住武漢市第四醫院,正式確診新冠肺炎。之後肖賢友嘅病情迅速惡化,出現高燒不退、呼吸困難等病危症狀。2月10號夜晚,肖賢友隨時有生命危險,佢嘅太太被允許入隔離病房探望。肖賢友一見到太太就不停喺胸口前比劃,太太隱約佢講「捐出去」、「捐給國家」等話。

最終肖賢友喺2月12號不幸離世,臨終前佢忍住痛苦,顫抖咁喺白紙上寫低「我的遺體捐國家」。負責醫治肖賢友嘅醫護人員表示,肖賢友嘅奉獻精神值得學習,仲話佢哋永遠會記得佢喺危難時刻寫低嘅呢句話。

圖:環球時報