新冠肺炎爆發,全球口罩需求增加,國內口罩更加供不應求。有見及此,一位來自烏茲別克斯坦、喺廣東外語外貿大學就讀嘅留學生郭沫若(中文名),喺短短10日就已經飛咗2轉家鄉烏茲別克斯坦,為嘅就係帶口罩嚟廣州,分享俾同學、學校同醫院。郭同學足足買咗近3萬個口罩捐俾廣州,幾乎花光佢嘅繼續,但佢堅持唔收錢,仲話:「中國是我第二個家,我們不考慮錢,我們就是幫忙。」

郭同學飛一次家鄉唔容易,中途仲要喺莫斯科轉機,而口罩亦更要接受層層檢查、辦理手續先可以出入境。烏茲別克斯坦嘅口罩都唔夠,每個人每次可以買嘅數量有限,郭同學就同佢嘅屋企人、朋友一起去買,買返嚟口罩全部捐贈俾同學、學校同埋廣州嘅醫院。郭同學話本來仲可以帶更多口罩嚟廣州,但自己嘅錢已經用完。

圖:微博@北京青年報