宜家香港一罩難求,就算全球各地嘅口罩供給亦都好緊張。喺抗疫時期,江蘇南通一間生產口罩嘅工廠,本嚟主要生產口罩出口俾日本,但因為呢次疫情,工廠停止出口,寧願得失日本客人,都要先滿足國內嘅口罩需求。

呢間口罩工廠早喺新年期間就已經提前復工,努力生產口罩。但係,為咗應付龐大嘅口罩內需,工廠亦同時面對工人人工增加、原材料價格大幅上升嘅問題。講到疫情,工廠老闆一度哽咽:「哪怕客戶丟掉也要先保證國內供應。」

圖:微博@澎湃新聞