新型冠狀病毒持續肆虐,全港學校繼續停課,部分市民亦留喺屋企工作,就算放假都減少外出,避免受到感染。香港教育大學健康與體育學系最近就同香港學校體育學會合作,搵嚟10位而家喺教大讀書或者喺教大畢業嘅精英運動員,示範點樣喺屋企都可以做運動。參與嘅運動員包括「亞洲車神」黃金寶、前世界單車冠軍郭灝霆、「女飛魚」施幸余、「體操王子」石偉雄等等。