新型冠狀病毒疫情持續,唔少市民都搶購食米、廁紙等等生活用品,各大超市同藥房相關貨架都已經「吉晒」,但消委會總幹事黃鳳嫺就話本地廁紙同食米嘅供應充足,只係超市嘅運送安排,同市民購買時間有落差,先至出現缺貨,呼籲市民「唔使搶」。

黃鳳嫺話已經呼籲超市加快運送相關物品到零售點,等市民放心,而消委會亦已經同本地紙商溝通過,所有紙商廠房已經開工,而且本身有好多存貨,所以市民唔使恐慌,又提醒香港天氣潮濕,如果太多存貨擺喺屋企,有機會令廁紙發霉同滋生細菌。香港大學感染及傳染病中心總監何柏良亦都話,無論係廁紙、廚房紙定普通紙巾,都無經過無菌處理,就算有膠袋或紙盒包裝,都容易吸入水氣,有機會發霉,損害健康,佢勸大家唔好囤積,如果唔係就真係損人不利己。

原圖:網上圖片