雖然全球新型冠狀肺炎嘅確診者數目每日都有增加,但令人欣慰嘅係,陸續有新聞報道確診者康復出院。而自從有專家話康復者嘅血漿對新冠肺炎患者有治療作用之後,唔少康復者都紛紛捐血,為抗疫盡一分力。

本身有暈血症狀嘅吳芬,以前試過2次捐血都唔成功。但當佢感染新冠肺炎痊愈之後,為咗救治新冠肺炎嘅重症患者,佢靠意志克服咗暈血障礙,捐咗300ml血漿出嚟。而近日武漢多間醫院亦有康復者自願捐出血漿,呢啲血漿將會用嚟救治重症患者。武漢市金銀潭醫院院長張定宇表示,患者康復後體內含有大量綜合抗體,能夠對抗病毒,所以佢呼籲治愈者捐血,去救治其他仲同病魔鬥爭嘅病人。

圖:微博@頭條新聞