由於新型冠狀肺炎依然未研製出疫苗,導致人心惶惶。但其實近來亦有唔少報道提到,新冠確診者係有機會可以康復嘅,究竟佢哋嘅治愈方法係咩呢?一位武漢確診女護士賈娜贈咗10字秘笈俾我哋,就係「按時服藥,喝雞湯補營養。」

賈娜係武漢一名急診科護士,之前不幸被新冠病毒感染,確診後,佢開始喺屋企隔離。隔離過程中,佢謹記醫生叮囑:「吃好、睡好、心態好。」於是,賈娜按時吃飯、作息規律、準時食藥,仲始終保持積極嘅心態,結果隔離咗11日之後,賈娜嘅檢驗結果就由陽轉陰,肺部恢復正常。賈娜仲話,除咗食好、瞓好、心態好」之外,勤洗手,做好家居消毒工作都好重要。而佢康復之後,亦重返工作崗位,為抗疫出一分力。

圖:微博@naJenny