今年嘅情人節喺新冠肺炎嘅影響下,變得好唔同。武漢急診科護士石頭媽媽,抗疫期間不幸受感染要留喺屋企隔離,而佢嘅老公海棠亦自願陪佢在家隔離,一齊同新冠肺炎作戰!

海棠每一日都會全副武裝入石頭媽媽間房消毒,每晚都為佢量好體溫先安心,而每一次石頭媽媽都會叫佢出去,費事佢被傳染。海棠見到石頭媽媽受罪,寧願自己代佢受苦,但佢平日亦只可以透過微信同石頭媽媽聯繫。有一日,海棠夾硬要石頭媽媽開門出嚟食飯,石頭媽媽好嬲,一開門見到門前嘅花同蛋糕,先醒起嗰日原嚟係佢哋結婚4周年紀念日。海棠仲寫咗張紙條俾佢:「待你痊愈,待疫情消除,憑此字條,我帶你去這地球上的任何地方,愛你。」

圖:微博@石頭媽媽