香港越來越多新型冠狀病毒確診個案,公立醫院有抽「生死籤」制度,決定邊啲醫護人員要去隔離病房照顧確診患者。不過喺威爾斯親王醫院內科部門,就無抽「生死籤」,有8名醫生自願加入俗稱「Dirty Team」嘅隊伍照顧病人,另外醫生除咗要巡房,仲要做埋其他人嗰份,原因就係希望減少保護衣嘅消耗。

威院內科醫生吳家晴就話,自己仍未成家立室,有需要搬出去住嘅話,都較其他有家室嘅醫生容易處理。而威院內科及藥物治療學系部門主管周啟明就話,而家保護衣等物資短缺,難以再好似以前咁,有其他實習醫生、抽血員幫手打針、打豆、抽血,由醫生親自做就可以減少呢啲物資嘅消耗,有時甚至連送餐都要做埋,真係辛苦晒咁多位醫生!

原圖:Medical Inspire