唔少洗手間宜家都裝有乾手機,好多人洗完手都會用乾手機吹乾雙手,但有研究發現,乾手機唔單止暗藏邋遢,用嗰陣更會吹散細菌,令雙手越吹越污糟!

較早之前香港理工大學嘅研究人員,抽樣檢查全港55個公共洗手間嘅時候發現,洗手間嘅乾手機凹槽位置暗藏細菌,使用嗰陣會將細菌吹散,令細菌再次黏附雙手。而美國亦有研究指出,廁所裡面嘅乾手機會捲起沖廁時濺起嘅細菌同細菌孢子,市民如廁洗淨雙手後再用乾手機,細菌就會隨住乾手機嘅熱風噴落手上,繼續將細菌散播開去。結果有洗手等於無洗手,手上甚至會沾上更加多細菌!

圖:網上圖片