為預防新冠病毒,買漂白水都要同人爭崩頭,但漂白水唔係得多就好,因為其主要成分是次氯酸鈉 (Sodium hypochlorite),能使微生物的蛋白質變質,有效殺滅細菌、真菌及病毒,但就要稀釋家用漂白水,先會令漂白水pH 值下降,殺菌效果好嘅次氯酸分子濃度會較高,從而先會有更佳嘅消毒效果,所以唔係落得多而唔加水就有用。

仲有,最容易忽略嘅係以為漂白水唔會過期,但其實經過一段間,次氯酸鈉有機會漸漸分解,效能就會減低,所以記得留意它的生產或有效日期。大多漂白水都會列明保存期限為樽身標示日期起計3年內就要使用。

最後漂白水要盡量避免用於金屬、染色布料及油漆等表面。除不鏽鋼外,亦不應用漂白水來抺拭金屬,或浸泡金屬製品,否則…後果自負;亦唔好亂倒高濃度及未經稀釋的漂白水到水渠,以免腐蝕金屬管道,日積月累,造成洩漏,令病毒反而有機可乘。

資料來源:消委會