新型冠狀肺炎疫情爆發,唔少國家紛紛撤僑,不過有位法國醫生Philippe Klein就放棄咗兩次撤僑機會,留守武漢,繼續為其他外籍人士提供醫療服務。

Klein係武漢協和醫院國際門診部醫生,喺武漢已經工作咗6年。自疫情爆發,醫院門診暫停營業,Klein俾妻兒回國,自己就每日穿曬全套防護裝備,揸車往返武漢各處,為有需要嘅外籍患者睇症。佢話,佢留低唔係因為英雄主義,而係經過深思熟慮,仲話:「這是我的工作」,「我想我留在武漢會比在法國更加有用」。

圖:FB@Philippe Klein