香港理工大學已經成功研發出一個呼吸道傳染病快速測試系統,市民如果懷疑自己可能患上新型冠狀肺炎,就可以利用呢個新測試系統做快速測試,只需要一個鐘就知結果!

呢個由香港科研人員研發、深圳市政府資助嘅快速測試新系統,可以同時檢測大概40種病毒或細菌,包括新型冠狀病毒同甲型流感,並會三度檢測以提高準確度同靈敏性。而新系統每次嘅檢測成本大約200至300蚊,一般市民都可以負擔到。快速知道檢驗結果可令患者盡快自我隔離,即時求醫獲得適切治療,同時亦減低社區傳染嘅機會。

有參與研究嘅澳門科技大學醫學院院長霍文遜表示,希望政府可以重視有關嘅科研成果,令呢個技術可以盡快喺市場上應用。

圖:理工大學