電視都有教,打噴嚏要掩住口鼻,但究竟要用咩嚟掩住口鼻?相信好多人第一下嘅反應都係用手掌,但原嚟咁做係錯嘅!

美國科普節目《流言終結者》曾經做過一個測試,發現喺實驗入面打噴嚏時用手遮掩口鼻,飛沫嘅射程都可以去到2.89m!反而係用手肘,飛沫嘅射程只係0.15m,同用紙巾、手巾嘅效果一樣。而美國疾病管制與預防中心(CDC)亦都建議,如果咳嗽或打噴嚏嗰陣手邊無紙巾,可以用衣袖或手肘遮掩口鼻。咁做除咗飛沫射程嘅範圍因素之外,仲因為打噴嚏用手遮蓋口鼻,之後如果唔好好清洗雙手而觸碰其他物品,就會很容易將細菌、病毒散播。

圖:網上圖片