早幾日,有位24歲年輕人確診感染武漢肺炎,佢新年期間曾經同10幾個親戚打邊爐,當中9個親戚亦不幸「中招」。呢單新聞一出,令食客人心惶惶,唔少人都話嚟緊會減少家庭聚會或者打邊爐,有火鍋店老闆仲話最近生意減少咗八、九成,情況似經濟蕭條,隨時「執笠」。

衛生署就話未能確定呢宗個案係咪同打邊爐產生氣霧傳播有關,但就呼籲市民減少飯敘,同埋使用公筷。感染及傳染病專科醫生曾祈殷就話,新型冠狀病毒可以透過飛沫傳播,唔排除係打邊爐嗰陣開大冷氣,冷氣嘅氣流令帶有病毒嘅飛沫飛得更遠,佢呼籲市民應該減少人群聚集同聯誼等活動。

原圖:房協