香港持續出現新嘅武漢肺炎確診個案,唔少市民都憂慮疫情擴散,四出搶購物資同食物等等,唔少新鮮蔬菜都加咗價,但唔止一區有好心菜檔檔主就決定向長者派發新鮮蔬菜,關心長者需要。

喺唔少街市,新鮮蔬菜都加晒價,之不過有市民就喺大埔富善街街市,見到菜檔檔主貼出告示,就話「對抗疫情、人人有責」,只要持有長者咭就可以免費獲派發一份新鮮蔬菜,送完即止。另外荃灣楊屋道街市並有菜檔,就話明因為最近出現嘅食物搶購潮,唔想長者出現恐慌,同樣只要持有長者咭就送大旺菜1個,限期2日,送完即止。

原圖:網上圖片