武漢肺炎持續喺中港兩地肆虐,前線醫護人員人手緊張,有17年前曾參與沙士一疫嘅醫護人員就主動請戰,希望可以再赴最危險嘅前線抗疫!

一班曾經喺2003年赴北京小湯山參與抗沙士嘅南方醫院醫護人員,近日向醫院高層發出聯署,希望爭取去前線,佢哋仲好有決心咁話:「若有戰、召必回、戰必勝!」唔止佢哋,北京市勞模和平醫院同其他省市嘅醫護人員亦紛紛自請趕赴前線,令人感動。

呢班請願調往前線嘅醫護人員多達千人,唔少人更放棄休假、回鄉同親人團聚。網民話睇到呢班醫護嘅請戰信,都忍唔住眼濕濕,仲話喺生死面前最能體現人性嘅光輝,感激醫護捨身照顧病人,祝願最終大家都能夠平平安安咁返去,亦提醒佢哋要好好保護自己。

圖:成都市工衛中心