近排武漢肺炎肆虐,出街嘅人少咗,連一向旺場嘅飲食業生意都大減,呢種情形同2003年嘅沙士非常相似。喺沙士期間,一間位於將軍澳嘅餐廳受疫情影響,即將面臨結業,好彩多得一班夥計支持,令老闆三姐得以撐落去,保住間餐廳。

三姐間餐廳以美味小炒聞名,但受到沙士影響,餐廳生意急速下滑,沙士期間,生意最好嘅一晚都只係賺到650蚊。一班夥計於是主動建議輪流放假、減人工,助三姐度過難關,仲話:「有我們撐,一定熬得過的!」三姐當時有考慮過結業,但憑住夥計嘅支持,再加上佢堅強嘅信念,三姐最後將自住嘅樓賣咗,一一克服種種困難。最終餐廳得以保住,而三姐亦無扣過夥計半分人工。
圖:文匯報