狗狗天生嗅覺敏銳,特定嘅狗狗品種喺接受訓練之後更加會成為緝毒犬、搜救犬等!但狗狗會老亦會退役,究竟狗狗嘅退休生活又係點嘅呢?台灣消防局嘅狗狗喺大概8歲即將退役嗰陣,消防局就會公布「開放認養」,有意領養狗狗嘅申請者需要接受消防員詢問、家訪,精心篩選之後先自可以領養退役狗狗,目的就係為咗令狗狗可以有一頭好嘅新住家!

 台灣消防局呢個認養狗狗計劃,成日都被人話:「都是利用狗狗到老了就丟棄」。其實消防員同狗狗相處咁耐,有晒感情,而狗狗成日被關喺鐵籠裡面,一出嚟唔係去訓練就係出任務,退休之後好應該安享晚年。所以消防員會好認真咁審核領養狗狗申請人嘅資格,先收集申請人嘅資訊,跟住會問申請人有無養過大型犬、屋企環境等問題,之後仲會親自去申請人屋企家訪、視察環境。就算申請人住喺台灣邊個角落,消防員都會親身上門,可以話係走勻全台灣咁幫狗狗搵新住家,絕對唔係大家所講嘅「用完即棄」!

圖:環球時報