今個週末就係農曆新年喇,天文台預計到時天氣會轉涼同幾陣雨,去到年初三(下星期一)氣溫會驟降到13度,要出去拜年嘅話記得帶遮同著多件衫喇!

天文台預測,年三十(星期五)氣溫20至25度,部分時間有陽光,天氣潮濕,濕度係75至100%,有幾陣霧同微雨。年初一(星期六)天氣開始轉涼,氣溫18至22度,多雲同有幾陣雨。年初二氣溫進一步降到15至19度、年初三13至16度,清涼天氣預計至少會維持至下週中。

原圖:大公報